حلم
12-06-2006, 12:40 AM
السلام عليكم احبتي
لم اود ان اكتب هذه ولكن ... هناك من اجبرني على ذلك
وتمنى ان تنال اعجابكم..........
اسئله في اسئله هذي حياتي يابشر
اسئله فيها سموم ولاهي حتّى منسّقه
وين رحتي؟وليه رحتي؟ دقت اجراس الخطر
الشكوك تحوم حولي .. ليش لأنّي مطلقه
يحتقرني البيت كله والمصيبه والقهر
العيون اللّي تناظر لي بنظرات امحقه
كن سيف العار بيدي واللّي حولي في حذر
خايفين ان رحت اجيهم بالثّياب مشققه
لعنبوها من حياةٍ .. خلت الطّاهر قذر
روضةٍ خضرا تساوت يازمان بمحرقه
كيف هالتفكير يايمّه على بالك يمر
اقطع حبالٍ متينه للشّرف وموثّقه؟؟
يايبه بنتك وتكفى لاتزيد المر .. مر
شوفني بين الرجا والياس جيت معلّقه
انتم اسباب المصيبه يوم بعتوا للمهر
ماحسبتوا حساب وش هو مغربه او مشرقه
يوم وافقتوا عليهم ماعطيتوني خبر
التهيتوا بجمع الاموال اللّي جات مفرّقه
ثم رميتوا بنتكم للي رماها للكدر
هو سقاها الهم وانتم زدتوا للطبخ مرقه
وجيت ادوّر من يداوي ظلعي اللّي انكسر
جيتكم ابكي عيوني بالدموع مغرّقه
جيتكم والكل قلّطني على نار وجمر
من لهيب الشّك كنّي يازمان معوّقه
يازمان العنصريّه جيت ادوّر لي مفر
جيت لك مثل الفريسه بالوحوش مطوّقه
تكفى تكفى يازماني دقّت اجراس الخطر
الشكوك تحوم حولي .. ليش لأنّي مطلقه
يازمان الموت ماهو لا تلحّفت القبر
والله ان الموت لامن زَحْزَحَتْ عنك الثّقه
لم اود ان اكتب هذه ولكن ... هناك من اجبرني على ذلك
وتمنى ان تنال اعجابكم..........
اسئله في اسئله هذي حياتي يابشر
اسئله فيها سموم ولاهي حتّى منسّقه
وين رحتي؟وليه رحتي؟ دقت اجراس الخطر
الشكوك تحوم حولي .. ليش لأنّي مطلقه
يحتقرني البيت كله والمصيبه والقهر
العيون اللّي تناظر لي بنظرات امحقه
كن سيف العار بيدي واللّي حولي في حذر
خايفين ان رحت اجيهم بالثّياب مشققه
لعنبوها من حياةٍ .. خلت الطّاهر قذر
روضةٍ خضرا تساوت يازمان بمحرقه
كيف هالتفكير يايمّه على بالك يمر
اقطع حبالٍ متينه للشّرف وموثّقه؟؟
يايبه بنتك وتكفى لاتزيد المر .. مر
شوفني بين الرجا والياس جيت معلّقه
انتم اسباب المصيبه يوم بعتوا للمهر
ماحسبتوا حساب وش هو مغربه او مشرقه
يوم وافقتوا عليهم ماعطيتوني خبر
التهيتوا بجمع الاموال اللّي جات مفرّقه
ثم رميتوا بنتكم للي رماها للكدر
هو سقاها الهم وانتم زدتوا للطبخ مرقه
وجيت ادوّر من يداوي ظلعي اللّي انكسر
جيتكم ابكي عيوني بالدموع مغرّقه
جيتكم والكل قلّطني على نار وجمر
من لهيب الشّك كنّي يازمان معوّقه
يازمان العنصريّه جيت ادوّر لي مفر
جيت لك مثل الفريسه بالوحوش مطوّقه
تكفى تكفى يازماني دقّت اجراس الخطر
الشكوك تحوم حولي .. ليش لأنّي مطلقه
يازمان الموت ماهو لا تلحّفت القبر
والله ان الموت لامن زَحْزَحَتْ عنك الثّقه