قصت رحلتي لمخيم فووكس

[سعودي عسل]

--------------------------------------------------------------------------------


سنة من السنين أيام الربيع واجازة المدارس والدجة وقلة الصنعة والطردي ورى.. الحبارى ..والأرانب.. والجرابيع والدواميس ( جمع دموسة )
طلعوا تماسيح المنتدى للبر معزومين عند فوكس... ولا طلعت معهم
كنت مشغول أبي الحق مشاعل بالصرصور وأنا جالس أناظر للتلفزيون مسلسل عودة عصويد .. وشفت جندل يومه يصوب على الأرنب ويلمخ العنز ..
شدني الشوق للصيد وطلعات البر وجلست بيني وبين نفسي
وجلست اللي هوانا يا دااايم يابن مصيول(فديت قلبي انااا هههههههههه) الحق على الشباب وأسمر معاهم

أضربها أخماس بأسداس مرة أقول مشوار طويل للصمان ... ومرة أقول
لعيون الظب يستاهل الروحة والتعني .. خلنا نزهب العدة ونتوكل على الله .... ونلحقهم
حملت الونيت 454
رفرف وارد الجفالي على يدي وكالة

وقلت يا ولد خلني اتجمل مع الشباب يا حيف اجيهم ويدي فاضية

ومر بطريقي على زريبة عجيز بالحارة الشمالية ينقال لها بنت ابوها الدبه
.
وأتل( أشلح ) لي كم دجاجة من بنات المذن وأحط رجلي في طريقي ...

. والمسجل ما غير ريكي مارتن مع عتاب مسوين دويتوا في أغنية نو بودي ونت
تو بي لونلي
وهاك يالدجاج رقص في الحوض حتى شوف عيني دجاجة أستنزلت ( فيها زار )
طلع فيها صوص جني

وناظرت أبي اشوف الوقت كم الساعة ( وش قد حن فيه )
ما عينتها في جيبي وناظر بساعة الموتر الا جهاز الكمبيوتر( السيستم )
متعطل وأركز الخيزرانة ( اللي جايبها معي أرعى فيها الدجاج ) في الرمل
الا الساعة 5,45,3 خمس وخمسة وربعين وثلاث ثواني .. أفى يذا العلم
الليل قرب والمشوار طويل ...!! مالي الا أني اخذ الطريق
قطوع ( مختصر ) وأدعس للموتر 360 حده .. والتفت للحوض لا يكون شئ
من الغراض طار من السرعة وأناظر الا الدجاج لابسين حزام الامان هههههههههه
ومشيت لي حول 65 كيلو الين طحت في رباض ( منطقة تغريز ههههههههههه
يعني الحين عرفتوا تغريز).!!!
وهو اللي يدقر الموتر ما عاد تحرك .. وأشغل الدبل يمين شمال ما به فايده ..
وش الحل وش الدبرة يا الفاصل..!!؟؟<< اسمي عند الشله

واخذ لي حبل وأربطه بالموتر واربط طرف الحبل في الدجاج وأنثر قدامهم
حب حساوي من النوع الطيب الاصلي مرشوش بقطرات من باور هورس
هههههههههههههه .. وهو اللي يجلس يكاكي ويسحب
الموتر الين طلعت براس الطعس ..
وهو اللي ينسدح الدجاج على جمب من التعب .. وقلت وش تسولف معك الفاصل << اكلم نفسي ههههههههههه
ما قصروا الدجاج معي ولابد أجازيهم واكافأهم .. قلت لهم أنتم لوجه الله احرار ..
.. وأكمل طريقي ما غير العنقليزي يغني وأنا خلوووووووها وأرد عليه وبنص
الطريق الا لمبة البنزين ترمش (تذكرني بغمزة سميرة توفيق ) أن البنزين فضى
وعلى اخر قطرة .. وكلها 30 كيلو وهو اللي يهبد الموتر في محله
.. يا الفاصل
وينك ووين محطة البنزين وش السواة يا رب ونا اللي أطمر في حوض
الددسن وأحصل لي قربة
فيها حليب كامل الدسم وكرتون لبن مبستر وأقوم اخلطها واصبها في خزان البنزين.
وأدق
سلف الموتر وهو اللي يشتغل شاد عزمه يقول خلوني وين الخط
... وهو اللي يفز فيني
وشوي الا أسمع صوت طربق طراق مع الشكمان ...
وهو أنا اللي أنزل بشويش وأتعوذ من
أبليس ومني ..
الا ذيك الصواريخ اللي تناثر من الشكمان واقرب يمها طلعت (( أقط ))
يا سبحان الله ... واخذ الخيشة واربطها في شكمان الموتر... وغدي يم ربعي.
.. ويوم
وصلت لهم واطفي الموتر واخذ خيشة الاقط ... ويا هلا ويا مرحبا ... وعلوم سفرة
.. وأقص لهم رحلتي ... وتعذرت لهم من المقسوم والجود من الموجود.. وهات الربابة
واذبح من السلقلق هههههههههههه ..
...............

ملاحظة .. الله يخليكم لا احد يجرح أحساسي ويقول صواريخ ارض جو هههههههههههههههههههههه ..

عااااااد كيفي سعودي يقولون تطيح الرجال ولا يطيح العقال هههههههههههههه


http://www.i1i2.com/upp/35ff763793.png